يا مسا البارح

يامسا البارح عيوني ماتمـل مـن السهـر""

زارني هاجس غريب ومرني طيـف غريـب

يارفيقي في الطريق الصعب مليـت السفـر""

والليالـي يارفيقـي دايـم تبعـد قـريـب

والصحاري قاحلـه جـردا ولافيهـا شجـر""

والموسيقى ماتعوضنـي بصـوت العندليـب

صرت ان وحدي غريب وكن ماحولي بشـر""

كل ما ناديت باعلى الصوت ماحدٍ لي يجيـب

كن ماحولي بشـر لوكـان مديـت النظـر""

ماتشوف العين في صحرا هواجيسي حبيـب

من ثلاث سنين ناطر في الزوايـا والممـر""

انتظر لـي واحـدٍ قفـى وخلانـي صويـب

كل ما مرت قوافل قلـت جابـت لـي خبـر""

لين من طول انتظاري كني مضيـع ذهيـب

آه يامـر الصبـر لوكـان حبيـت الصبـر""

والسهر سار الخوي والنوم لعيوني حريـب

بشتكي لطويق مـن هـم الليالـي والدهـر""

واشتكي جرح بوسط الجوف عيـا لايطيـب

سبته ميل الزمان اللي غـدر فينـي غـدر""

والرفيق اللي ثلاث سنين مارسل لي نديـب

والهموم اللي بوسط القلـب مامنهـا مفـر""

وضاقت الاربع جهات وزاد شيب الراس شيب

ويامراويـح السـحايب لاتشحـي بالمطـر""

أرعـدي فـوق الفيافـي لين مايسيل الشعيب

شكرا على الموضوع المميز
ويعطيك الف عافيه
تقبل مروري
المتيم