الشاعره : رهاء العراقـيه :-

.. آه ياليتنا ماحبينا والله ياليـت ..

والله آني بعد مثلك يـا أديب آني قلبي انشلع من أغلى حبيب

آني حبيته وما فاد واياه الطيب ومافادت مسجاتي اللي دزيت

ياأديب كل شي قسمه ونصيب ونصيبنا بهالدنيا ما يريد يصيب

هذا جزا الاخلاص جرح غريب يا أديب لاتحشي مابتنفع ياليت

.. آه ياليتنا ماحبينا والله ياليـت ..



يا أديب قلي ليش متكـدر و ايدك على خدك و محتـار

يا أديب اسمع كلامي زيـن راح أقولك ياها باختصـار

تجاربنه اثنيناتهم من يومهـم مشعولين بالجمر والنــار

يا أديب يكفينه ندم و لـوم خـلاص صار اللي صـار

آني جنت مجنونه موت عليـه اتمنيت شوفتو ليل و نهـار

تواعدت آني واياه ايد بايـد و تعاهدنا نكمل المشـوار

طلع مو بس إلي هالحجـي كان لقبلي قايله مليــار

يا أديب آني واياك حبينـه غصب علينا مو باخيتـار

وأدري مثل ما آنـي وريت بعد قلبك بالحب هـو وار

لكن مو هاي اهيا النهايـه كافي نضيع وقتنه بالانتظـار

يا أديب لغيرنا أكثر صـار لا تنسى ان القلوب اسـرار

اللي منرسمه بسمه بشفايفو تلاقي قلبو مكسور ومنهـار

يا أديب توكل على الرحمن ياسيدي ربنا رحيم وستـار

لاتخضع بيوم لكلمة حلـوه أو تسامح من كلمة اعتـذار

هاي صفات الحبيب اليـوم لازم يكون ظالم و غــدار

بس كل من يجيـلو يـوم الزمن من طبعه كـذا دوار

يا أديب أنت بايدك الحـل الدنيـا سفينه وانته البحـار

آني عديت الألم و الجـراح بالإراده و بعد بالإصــرار

وجا دورك تنسى اللي راح و بايدك الحل ولازم تختـار


.. آه ياليتنا ماحبينا والله ياليـت ..

يا أديب بعد اللي جاك مالعذاب وبعد جروحها وبعـد هالغياب

والله ماتسوى تحسب لها حساب لازم تصحى مثل ما آني صحيت

انت شربت الجراح مثلي آنـي أنت عانيت مثل ما آني أعانـي

حبيبك نساك مثل ماآني نسانـي والله يا أديب آني من الحب مليت

.. آه ياليتنا ماحبينا والله ياليـت ..

مشاعـــر :رهـــاء العراقــيه

يسلموو على الموضوع